Почитувани љубители на Македонското спортско стрелаштво
На ден 18.10.2017 година во воздушното стрелиште во Штип, се одржа IV-от КУП од 2017 година, со воздушен пиштол и воздушна пушка, во машка и женска конкуренција – меѓународна програма.
На натпреварот настапија 30-тина стрелци од повеќе клубови кои постигнаа солидни резултати. Како и секогаш Ви ги претставуваме најдобро пласираните стрелци во секоја категорија.
Во категорија воздушен пиштол – мажи, Томе Несторовски од С.К “Стрелец” го освои првото место со испукани 564 круга, на второ место се искачи Јордан Тасевски од С.К “Стрелец” со резултат од 555 круга додека на третото место беше Мирослав Славковиќ од С.К “Работнички” со испукани 553 круга.
Во категорија воздушна пушка – мажи, на првата позиција со личен рекорд се искачи Леон Јаневски кој освои 599,1 круга, веднаш до него Јане Џингов кој погоди 594,3 круга и двајцата од С.К “Стрелец”. На третата позиција се искачи Мартин Ивановски од С.К “РЕК Битола” со погодени 584,1 кругови, а веднаш до него на четвртата и петтата позиција се пласираа Драгослав Кудрановиќ со резултат 573,2 и Бојан Симичиев со резултат 572,5 и двајцата од С.К “Стрелец”.
Кај девојките во категорија воздушна пушка – жени на првото место без потешкотии се искачи Нина Балабан од С.К “Стрелец” со 411,8 круга, до неа на втората позиција беше Ана Ивановска од С.К “РЕК Битола” со резултат од 406,4 круга. Останатите наши стрелци во оваа категорија се пласираа на петтата позиција Антонија А.Тасевска од С.К “Стрелец” со резултат од 394,3 кругови Божица Велковска на седмата позиција со одличен резултат од 388,2 кругови со оглед на тоа дека е почетник со малку искуство и Сара Томевска од С.К “Стрелец” која испука 385,3 кругови.
Во категорија воздушен пиштол – жени, од С.К “Стрелец” настапи Вероника Велковска со резултат од 344 круга
Покрај успешниот настап на стрелците од клубот на IV-от КУП од лигата во 2017 година, Стрелачки клуб “Стрелец” – Скопје изразува голема благодарност до Гимназијата Раде Јовчевски – Корчагин од Скопје во која се наоѓа стрелиштето на клубот за тоа што несебично отстапува простор за редовно спроведување на тренажниот процес на стрелците, кои на секој натпревар даваат се од себе за подобар личен и клубски пласман, со што успеваме да сме најтрофеен и најуспешен Стрелачки клуб во Р.Македонија и се надеваме ќе продолжиме со добрата соработката за уште поголеми успеси.
