Почитувани
Изминатиов викенд од 09 до 11.12.2016 по 41 пат се одржа Интернационалното првенство во Белград со воздушна пушка и пиштол кое се состоеше од два натпревари на кое зедоа учество над 250 учесници од 14 земји, на ова првенство од Македонија најбројни беа стрелците од С.К Стрелец Скопје 9 на број.
Од сите наши членови најпрво ја издвојуваме Нина Балабан која имаше извондрен настап во дисциплината воздушна пушка жени на 10 метри која во квалификациите два пати го соборуваше сопствениот рекорд, кој воедно е и државен, а во финалето каде се пласираат само најдобрите 8 го освои бронзениот медал.
Нина Балабан, првиот натпреварувачки ден испука 414.1 кругови и за 2.7 кругови го подобри рекордот остварен во Минхен оваа година предводена исто така од клубскиот тренер Јордан Тасевски и се пласираше на деветтото место.
На вториот натпреварувачки ден, Нина повторно го собори рекордот со испукани 415.8 кругови со кој обезбеди и пласман во финалето. Меѓу најдобрите осум стрелци Балабан заврши на третата позиција со 184 кругови, само 2.9 помалку од првопласираната.
Ова е голем успех за Нина, клубот Стрелец од Скопје и Македонското стрелаштво. Покрај Нина мора да се пофалиме и со Борјан Бранковски кој испука свој личен рекорд од 565 круга со воз.пиштол, Леон Јаневски со воз.пушка исто така свој личен рекорд и прв настап со 589,1 круга, Томе Несторовски свој прв настап и одличен резултат од 560 кругови со воз.пиштол, Антонија Тасевска со воз.пушка свој прв настап на кој избрза да се докаже бидејќи можеше доста повеќе а заврши со 389,2 круга, Томевска Сара свој прв настап со личен рекорд од 384 круга и Бојан Симичиев прв настап со личен рекорд од 550 кругови. Во склоп на нашата екипа настапи и Ана Ивановска од С.К Рек Битола која испука извонреден резултат од 412 круга и го собори исто така својот личен рекорд. Со оглед на тоа што повеќето стрелци се млади и перспективни а овој напревар е прво нивно меѓународно искуство а веќе неколкумина ја исполнуваат минималната олимписка норма или ги делат неколку кругови од неа, во иднина ќе се очекуваат доста повисоки резултати од истите а натпреварот во Белград може слободно да го оцениме дека беше доста успешен за сите одбрани стрелци на С.К Стрелец – Скопје кои настапија на натпреварот во Белград.
