Стрелачки клуб “СТРЕЛЕЦ” – Скопје 6 (шест) години по ред најуспешен клуб во Р.Македонија

Објавено на февруари 1, 2017 -

Според бодирањето од страна на МССФ за најуспешни клубови и стрелци за изминатата 2016 година, можеме да се пофалиме декаphotoCompetitionLg како клуб 6 (шест) години по ред сме на првото место во Р. Македонија, кaко и во повеќето категории каде на прво место се искачија стрелците од Стрелачки клуб “Стрелец” – Скопје.

Изминатава година беа остварени повеќе значајни успеси и на меѓународните натпревари помеѓу кои го издвојуваме учеството на нашиот член Нина Балабан на Олимписките игри во Рио 2016 во категорија воздушна пушка 10м жени која оствари резултат од 407,7 кругови и се пласира на 42 место од 51 учесник. Исто така во финишот на натпреварите во 2016 година учествувавме со повеќе стрелци и на Интернационалното првенство во Белград 2016 со воздушна пушка и пиштол каде Нина Балабан имаше извондрен настап во дисциплината воздушна пушка на 10 метри, со испукани 415.8 кругови обезбеди пласман во финалето. Меѓу најдобрите осум стрелци во финалето Балабан заврши на третата позиција со 184 кругови, само 2.9 помалку од првопласираната. Во квалификациите го собори сопствениот рекорд, кој воедно е и државен.

Во име на клубот им се заблагодаруваме на сите членови репрезентативци, рекреативци и пријатели на клубот кои придонесуваат и даваат се од себе Стрелачки клуб “Стрелец” – Скопје да се прикаже во најдобро светло. Ќе продолжиме со засилено темпо и во новата 2017 година за да се подобрат успесите како на домашната така и на меѓународната сцена.

Покрај успешниот настап на стрелците, Стрелачки клуб “Стрелец” – Скопје изразува голема благодарност и до Гимназијата Раде Јовчевски – Корчагин од Скопје во која се наоѓа стрелиштето на клубот за тоа што отстапува простор за редовно спроведување на тренажниот процес на стрелците, кои на секој натпревар даваат се од себе за подобар личен и клубски пласман, со што успеваме да сме најтрофеен и најуспешен Стрелачки клуб во Р.Македонија и се надеваме така ќе продолжиме.

  • Стрелачки клуб “СТРЕЛЕЦ” од Скопје  – 552,5 бодови
  • Стрелачки клуб “РЕК Битола” од Битола со 225,40 бодови
  • Стрелачки клуб “Охрид” од Охрид со 219 бодови
  • Стрелачки клуб “Работнички” од Скопје со 104,60 бодови
  • Стрелачки клуб “Велес” од Велес со 20 бодови
  • Стрелачки клуб “Штип” од Штип со 15 бодови
  • Стрелачки клуб “Х. Прилеп” од Прилеп со 14,60 бодови

По категории, најдобро рангирани за 2016 година во меѓународна програма со воздушно оружје 10м, се следните спортисти:

Kатегорија

Пласман/ Име и презиме/Клуб

Сениори пушка
  1. Мартин Ивановски - ”РЕК Битола” – 64 б.
  2. Драгослав Кудрановиќ - „С.К Стрелец“ – 36 б.
  3. Михаил Шишковски – „С.К Охрид“ – 28 б.

Јуниори пушка
  1. Стефан Ѓоргиевски - „С.К РЕК Битола“ – 56 б.
  2. Леон Јаневски – „С.К Стрелец“ – 47 б.
  3. Васко Поповски - „С.К Охрид“ – 16 б.

Сениорки пушка
  1. Нина Балабан - „С.К Стрелец“ – 68 б.
  2. Антонија А. Тасевска - „С.К Стрелец“ – 35 б.
  3. Емилија Пејева – “С.К Штип” – 10 б.

Јуниорки пушка
  1. Ана Ивановска – „С.К Рек Битола“ – 70,90 б.
  2. Мартина Петровска - “С.К Охрид“ – 62 б.
  3. Јана Маркоска – “С.К Охрид“ – 32.60 б.
  4. Стефанија Андовска – “С.К Велес” – 14,5 б

Сениори пиштол
  1. Јордан Тасевски – „С.К Стрелец“ – 62,40 б.
  2. Мартин Гелевски – „С.К Стрелец“ – 30 б.
  3. Ванчо Каранфилов – „С.К Стрелец“ – 29 б.
  4. Томе Несторовски – „С.К Стрелец“ – 26 б.

Јуниори пиштол
  1. Борјан Бранковски – “С.К Стрелец” – 64 б.

Сениорки пиштол
  1. Вероника Велковска – „СК Стрелец” – 48 б.
  2. атка Л.Симоновска – „С.К Работнички” – 46 б.
  3. Лидија Крстеска – „С.К Стрелец“ – 42 б.
Filed Under: Новости