Ова јубилејно издание претставува уште една потврда за континуитетот, квалитетот и традицијата на Grand Prix SKOPJE кој две децении успешно ги обединува стрелците од Македонија, регионот и пошироко. Турнирот и оваа година помина во одлична организација, спортски дух и фер натпреварување, со без малку 300 натпреварувачи што е завидна бројка.

Посебна благодарност упатуваме до Министерството за спорт, Општина Гази Баба, Армијата на Република Македонија, Министерството за внатрешни работи како и до сите наши спонзори, поддржувачи и пријатели без чија помош немаше да биде возможно успешно да се организира и одржи Grand Prix SKOPJE во континуитет 20 години.

Свеченото отворање започна со обраќање на присутните од страна на Претседателот на МССФ Јордан Тасевски, Поранешниот Генерал и актуелен Пратеник во Собранието на Р. Македонија Г-дин Павле Арсоски, Помошник Министерот за граѓански работи во МВР Г-дин Јован Алтанџиев и Градоначалникот на Гази Баба Г-дин Бобан Стефковски кој имаше чест свечено да го отвори 20-от Гранд При Скопје 2026. На свеченото отворање кое беше проследено со голем интерес од учесниците и посетителите присуствуваа и многу други претставници од институции и поддржувачи на турнирот, а се доделија и златни плакети по повод јубилеј од 20 години континуирано одржување на Grand Prix Skopje.

Со меѓународниот турнир Grand Prix SKOPJE, спортското стрелаштво веќе 20 години е препознатливо не само во Македонија туку и пошироко во регионот. Специфичноста на стрелиштето Камник и можноста за организација на натпревари во повеќе дисциплини истовремено претставува уникатен предизвик и атракција за сите учесници. За безбедната и професионална реализација повторно беше задолжен искусниот тим на МССФ составен од судии, поранешни и активни стрелци и спортски работници.

ОФИЦИЈАЛНИОТ БИЛТЕН СО РЕЗУЛТАТИ ОД јубилејниот 20-ти Интернационален отворен турнир во стрелаштво Grand Prix SKOPJE 2026 можете да го погледнете и симнете овде:

Билтен со резултати од 20-от Гранд При Скопје 2026

Во прилог и фотографии од доловената атмосфера на јубилејниот 20-ти Grand Prix SKOPJE 2026

ГЕНЕРАЛНИ ИНФОРМАЦИИ И ПРАВИЛА за Grand Prix SKOPJE 2026

I. ПОКАНА

I. ПРОГРАМА:

Сабота, 16/05/2026 година
09:00 …. Почеток на натпреварите:

- Target Rifle ……………………… 300 метри…………………….. 20 истрели

- Open Rifle …………………………. 300 метри…………………….. 20 истрели

- 22 LR Снајперска малокалибарска пушка .. 100 метри … 20 истрели

- Пиштол ……………………………… 25 метри…………………. 10 истрели
- Револвер …………………………. 25 метри………………….. 10 истрели

15:30 … Доделување на признанија и наrради.

Недела, 17/05/2026 година
09:00 ….Свечено отварање на Grand Prix SKOPJE 2026
09:30 …..Почеток на натпреварите:
- Пиштол ………………………………………………….………………….. 25 метри…………… 10 истрели
- Револвер ……………………………………………….…………………. 25 метри………….. 10 истрели
- Пушкa …………………………………………………….…………………. 100 метри ……….. 10 истрели

- 22 LR малокалибарска пушка ………………………….. 100 метри ………… 20 истрели
- Снајперска тактичка полуавтоматска пушка …. 200 метри ………… 10 истрели
- Снајперска ловна пушка…………………………..…………… 200 метри ……….. 10 истрели

16:00 …..Доделување на признанија и награди

III. ПРИЈАВУВАЊЕ:

Пријави за поединечно или екипно натпреварување за натпреварот 20-ти Интернационален отворен турнир во стрелаштво Grand Prix SKOPJE 2026 натпреварувачите можат да достават до Македонската Спортска Стрелачка Федерација (МССФ) најдоцна до 15 (петок) мај 2026 година најдоцна до 14:00 часот на е-маил: mkdshooting@gmail.com со штиклирање во пријавите на дисциплината во која ќе настапуваат.

Натпреварувачите кои поднесуваат пријава за екипно натпреварување во соодветната дисциплина мора задолжително да поднесат и пријави за поединечно натпреварување во истата дисциплина за секој натпреварувач во екипата.

Заинтерисираните лица пријавите за учество на 20-от Интернационален отворен турнир во стрелаштво Grand Prix SKOPJE 2026, можат да ги симнат од web страната на МССФ.

Поединечна и екипна пријава за Сабота, 16/05/2026 година

PRIJAVA-POEDINECNO-za 16.05.2026-GRAND PRIX SKOPJE 2026

PRIJAVA-EKIPNA-za 16.05.2026-GRAND PRIX SKOPJE 2026

Поединечна и екипна пријава за Недела, 17/05/2026 година

PRIJAVA-POEDINECNO-za 17.05.2026-GRAND PRIX SKOPJE 2026

PRIJAVA-EKIPNA-za 17.05.2026-GRAND PRIX SKOPJE 2026

IV. КОТИЗАЦИЈА:

Котизацијата за поединечно учество на турнирот во сабота на 16.05.2026 година во дисциплината TARGET RIFLE 300 метри за секој натпреварувач изнесува 1000 денари.

Котизацијата за поединечно учество на турнирот во сабота на 16.05.2026 година во дициплината OPEN RIFLE 300 метри за секој натпреварувач изнесува исто така 1000 денари.

Котизацијата за поединечно учество на турнирот во сабота и недела на 16 и 17.05.2026 година во останатите дисциплини како (дисциплините пиштол 25м, револвер 25м, пушка 100м, 22 LR Снајперска и обична малокалибарска пушка 100м, снајперска ловна пушка 200м и снајперска полуавтоматска тактичка пушка 200м) за секој натпреварувач изнесува 600 денари (при што обезбедува настап во една дисциплина во поединечна и (или) екипна конкуренција, а за настап на натпреварувачот во секоја наредна дисциплина се доплаќа 400 денари по дисциплина.

* Котизација се уплаќа најдоцна до 15 Мај 2026 г. (петок) на следната сметка:

Жиро сметка: 300000001002434

Назив на примачот: Македонската Спортска Стрелачка Федерација

Депонент: Комерцијална Банка А.Д Скопје,

Цел на уплата: Пример за уплата (Котизација за дисциплина Пиштол 25м, Пушка или друга дисциплина)

* Доказ за платена котизација се приложува пред почеток на натпреварот.

Оружјето, муницијата како и предмети за заштита на слух и вид за натпреварите на турнирот ги обезбедуваат самите натпреварувачи. Исто така натпреварувачите сами си обезбедуваат предмети за набљудување на метите како: дурбин двоглет и сл.

V. ПРАВИЛА за натправарувачките дисциплини:

- Пиштол ……………….. 25 метри ………………. 10 истрели.

Растојанието до метата е 25 метри. Метата е кружна со димензии ø 50 см. Ставот за гаѓање е стоечки. Пиштолот е со централно палење. Нишанскиот систем е механички. Не е дозволена употреба на електронски нишански систем (Red Dot, Aimpoint, Holosight, ласерски нишани и сл.)

Во оваа дисциплина се употребуваат стандардни пиштоли наменети за службена или цивилна употреба како и натпреварувачки пиштоли кои конструктивно се наменети за разни видови на натпревари во стрелаштво.

Некои од примерите за пиштоли кои можат да се употребуваат во оваа дисциплина се:

Некои од производителите за пиштоли кои можат да се употребуваат во оваа дисциплина се: Crvena Zastava, Ceska Zbrojovka, Glock, Heckler and Koch, Beretta, Sig Sauеr, Walther, Browning, Tanfoglio, Bernardeli, Benelli како и други модели на пиштоли на сите други производители за кои судиите по стрелаштво на натпреварот ќе одредат дека можат да се употребуваат во оваа дисциплина.

Револвери не се дозволени.

Дозволено време за подготовка и проба е 5 минути при што не е ограничен бројот на пробните истрели. Времето за натпревар е 10 минути во кое за оценување се истрелуваат 10 истрели.

Вреднувањето на постигнатите резултати е одделно во машка и женска конкуренција, во поединечен или екипен настап. Екипите се составени од 3 натпреварувачи. Натпреварувачите кои се пријавуваат за екипен настап задолжително покрај пријавата за екипен настап, должни се да достават и пријава за поединечен настап.

- Револвер …………………. 25 метри ………….. 10 истрели.

Растојанието до метата е 25 метри. Метата е кружна со димензии ø 50 см. Ставот за гаѓање е стоечки. Револверот е со централно палење. Нишанскиот систем е механички. Не е дозволена употреба на електронски нишански систем (Red Dot, Aimpoint, Holosight, ласерски нишани и сл.). Пиштоли не се дозволени. Дозволено време за подготовка и проба е 5 минути при што не е ограничен бројот на пробните истрели. Времето за натпревар е 10 минути во кое за оценување се истрелуваат 10 истрели. Вреднувањето на резултатите на сите натпреварувачите во оваа дисциплина е во поединечни настапи и во единствена конкуренција (нема посебна машка и женска конкуренција и нема екипи). Натпреварувачите доставуваат само пријава за поединечен настап.

- Пушка ………………… 100 метри ……………… 10 истрели.

Растојанието до метата е 100 метри. Метата е кружна со димензии ø 50 см. Ставот за гаѓање е лежечки. Се гаѓа од рамо и не е дозволено потпирање на предниот дел од пушката на мека подлога. Не е дозволена употреба на ногарки.

Пушката е со централно палење. Пушката може да биде со систем за мануелно репетирање, полуавтоматско и автоматско репетирање. Кај сите пушки калибарот мора да е со калибар од 7мм па нагоре. Пример 270 Win, 30-06, 308 Win, 8×57 mauser, 7.62×54 R, 7.62×39, 7mm Rem Mag, 7×64 mm, 300 Win Mag или поголем од наведените. Пушката може да биде и со полуавтоматски систем на репетирање (примери: ПАП М-59/66 и сл.) или со автоматски систем за репетирање (примери: АК 47, АК 74 и Застава М-70) односно стандардни воени пушки. Пушките со автоматски систем за репетирање дозволено е да се употребуваат на натпреварот, само доколку со истите се гаѓа со полуавтомaтски режим на работа. Употреба на рафална стрелба не е дозволена. Нишанскиот систем е механички и потребно е предниот и задниот да бидат од отворен тип односно не е дозволено употреба на електронски или оптички нишански систем (Red Dot, Aimpoint, Holosight, ласерски нишани и сл.). Дозволено време за подготовка и проба е 5 минути при што не е ограничен бројот на пробните истрели. Времето за натпревар е 10 минути во кое за оценување се истрелуваат 10 истрели. Вреднувањето на резултатите на сите натпреварувачи во оваа дисциплина е во поединечен и/или екипен настап додека вреднувањето на постигнатите резултати во оваа дисциплина ќе биде одделно во машка и женска конкуренција единствено во поединечен настап.

Екипите се составени од 3 натпреварувачи. Натпреварувачите кои во оваа дисциплина се пријавуваат за екипен настап задолжително покрај пријавата за екипен настап, должни се да достават и пријава за поединечен настап.

-  22 LR Снајперска малокалибарска пушка ………. 100 метри ………… 20 истрели

Растојанието до метата е 100 метри. Ставот за гаѓање е лежечки. Се гаѓа од рамо дозволено e потпирање на задниот дел од пушката (кундакот) на мека подлога. Дозволена употреба на ногарки или предна мека подлога. Пушката е со рабно палење калибар 22 ЛР. Пушката може да биде со систем за мануелно репетирање; со полуавтоматски систем на репетирање (со ограничување на капацитет од 5 куршуми). Нишанскиот систем е оптички. Се пука во една мета која што содржи дванаесет (12) помали мети (со пречник 13 cm и центар од 9 мм.) од кои што првата и втората мета се пробни, а другите десет (10) мети се за меч. Во секоја мета за меч се пука по 2 истрели – Вкупно 20 истрели. Дозволено време за проба е 5 минути при што не е ограничен бројот на пробните истрели. Времето за натпревар е 20 минути во кое за оценување се истрелуваат 20 истрели. Вреднувањето на резултатите на сите натпреварувачи во оваа дисциплина е во поединечен настап (нема вреднување на резултати посебно во машка и посебно во женска конкуренција). Дозволено е во оваа дисциплина со една иста пушка да се натпреваруваат два или повеќе стрелци.

-  22 LR малокалибарска пушка ………. 100 метри ………… 20 истрели

Растојанието до метата е 100 метри. Метата е кружна со димензии ø 50 см. Ставот за гаѓање е лежечки. Се гаѓа од рамо и не е дозволено потпирање на предниот дел од пушката на мека подлога. Не е дозволена употреба на ногарки. Пушката може да биде со систем за мануелно репетирање; со полуавтоматски систем на репетирање или со автоматски систем за репетирање. Пушките со автоматски систем за репетирање дозволено е да се употребуваат на натпреварот, само доколку со истите се гаѓа со полуавтомaтски режим на работа. Употреба на рафална стрелба не е дозволена. Нишанскиот систем е механички и од отворен тип како и кај војничката пушка или секој стандарден карабин и забранети се диоптерски нишани. Не е дозволена употреба на електронски нишански систем (Red Dot, Aimpoint, Holosight, ласерски нишани и сл.). Дозволено време за подготовка и проба е 5 минути при што не е ограничен бројот на пробните истрели. Времето за натпревар е 20 минути во кое за оценување се истрелуваат 20 истрели во две поединечни мети по 10 истрели. Вреднувањето на резултатите на сите натпреварувачи во оваа дисциплина е во поединечен настап (нема вреднување на резултати посебно во машка и посебно во женска конкуренција). Дозволено е во оваа дисциплина со една иста пушка да се натпреваруваат два или повеќе стрелци.

- Снајперска ловна пушка ……………… 200 метри ……………. 10 истрели.

Растојанието до метата е 200 метри. Метата е кружна со димензии ø 43,4 cm (кругот 10 е со ø 42 мм). Ставот за гаѓање е лежечки. Се гаѓа од рамо и е дозволено потпирање на предниот дел од пушката на мека подлога. Дoзволено е потпирање на кундакот на пушката на мека подлога. Не е дозволена употреба на ногарки. Дозволена е употреба на сите нишански системи: оптички нишан, Red Dot, Aim Рoint, Holosigt I sl.). Ласерски нишан не е дозволен. Снајперската ловен карабин е со централно палење и истиот може да биде со мануелен или полуавтоматски систем на репетирање. Дозволено е употреба на стандарден променлив магацин за муниција со капацитет до 5 куршуми додека кај фиксен магацин нема ограничување на капацитет.

Дозволени се сите калибри. Не е дозволено користење на компензатор (гасна кочница), пиштолски ракохват и преклопен кундак. Вкупната маса на снајперскиот ловен карабин, вклучувајки ги сите прицврстени додатоци како што се нишанот и ремникот не смее да надминува 5 кг. Дебелината на цевката на пушката не смее да надминува 19 милиметри, мерено до 50 милиметри од почетокот на устата на цевката.

Дозволено време за подготовка и проба е 5 минути при што не е ограничен бројот на пробните истрели. Времето за натпревар е 10 минути во кое за оценување се истрелуваат 10 истрели.
Вреднувањето на резултатите на сите натпреварувачи во оваа дисциплина е во поединечен и/или екипен настап, во единствена конкуренција (нема вреднување на резултати посебно во машка и посебно во женска конкуренција).

Екипите се составени од 3 натпреварувачи. Натпреварувачите кои во оваа дисциплина се пријавуваат за екипен настап задолжително покрај пријавата за екипен настап, должни се да достават и пријава за поединечен настап.

- Снајперска полуавтоматска тактичка пушка ……… 200 метри ………… 10 истрели.

Растојанието до метата е 200 метри. Растојанието до метата е 200 метри. Метата е кружна со димензии ø 43,4 cm (кругот 10 е со ø 42 мм). Ставот за гаѓање е лежечки. Се гаѓа од рамо и е дозволено потпирање на предниот дел од пушката на мека подлога како и користење на ногарки. Дозволена е употреба на пиштолски ракохват и преклопен кундак. Дозволена е употреба на сите видови на оптички нишан. Снајперската полуавтоматска тактичка пушка е со централно палење и со полуавтоматски систем за репетирање. Дозволенo e користење на компензатор (гасна кочница). Снајперската полуавтоматска тактичка пушка мора да има променлив магацин со капацитет поголем од 5 куршуми. Дозволена е употреба на сите калибри до .35 инчи (8,89 мм.).

Дозволено време за подготовка и проба е 5 минути при што не е ограничен бројот на пробните истрели. Времето за натпревар е 10 минути во кое за оценување се истрелуваат 10 истрели.
Примери на типови на полуавтоматски снајперски пушки кои можат да се користат во оваа дисциплина: Zastava М-76, Zastava М-91; Dragunov SWD, Hoeckler&Koch HK G3 SG 1; Hoeckler&Koch HK PSG 1, Hoeckler&Koch MR 223/308 и сл.

Вреднувањето на резултатите на натпреварувачите во оваа дисциплина е во поединечен и/или екипен настап, во единствена конкуренција (нема вреднување на резултати посебно во машка и и посебно во женска конкуренција).

Екипите се составени од 3 натпреварувачи. Натпреварувачите кои во оваа дисциплина се пријавуваат за екипен настап задолжително покрај пријавата за екипен настап, должни се да достават и пријава за поединечен настап.

- TARGET RIFLE ……………………………. 300 метри ………………………… 20 истрели.

Растојанието до метата е 300 метри. Метата е кружна со димензии ø 43,4 cm (кругот 10 е со ø 42 мм). Дозволено време за подготовка и проба е 10 минути во кое не е ограничен бројот на пробните истрели. Мечот се состои од 20 истрели за оценување за време од 20 минути. Се гаѓа во 2 мети (2х10 истрели).

Пушката е ограничена на следните немодифицирани калибри: .223 Remington ( 5,56×45мм NATO); .308 Winchester ( 7,62×51 mm NATO), 8×57 IS (7,9 mm Mauser) и 7,62 x54 R.
Со пушката се гаѓа од двоногарки (бипод) кој се цврсто прикачени за оружјето и/или со ремник. Било кој бипод кој ја исполнува дефиницијата за бипод може да се користи и неговата тежина влегува во вкупната маса на пушката. Било кој безбеден рачен систем за чкрапање е дозволен. Дозволени се сите нишански системи, но нивната маса мора да бидат вклучена во вкупната маса на пушката.

Вкупната маса на пушката, вклучувајќи ги сите прицврстени додатоци како што се нишанот, ремникот и ногарките (биподот) не смее да ја надмине масата од 8,25 кг. Како додаток се подразбира било каков предмет освен натпреварувачот со облеката, кој делумно или целосно се придвижува заедно со оружјето или кој е прицврстен односно здружен со пушката на било каков начин и се придвижува при секој истрел дури и ако незначително оружјето се поместува од потпорниот наслон.

Гаѓањето е во лежечка положба од рамото на натпреварувачот. Двоногарката или ремникот се единствена дозволена предна поддршка на пушката. Пушката може да биде придржана со бипод и/или ремник и заден наслон кој не овозможува механички метод на враќање на иста нишанска точка, при што:

(1) Двоногарката и/или ремникот и задниот наслон не смеат да бидат поврзани едно со друго.
(2) Употребата на било каква маса е забрането. Под предниот/задниот наслон дозволени е да се постават одвоени рамни плочи чии димензии не ги поминуваат димензиите на индивидуалните наслони за повеќе од 5 cм. Во случај на користење на двоногарки, ширината на плочата кај ногарките не смее да надминува 5 см ниту повеќе од 30 см од напред до назад. На овие плочи не се дозволени испакнини и не е дозволена употреба на шрафови за нивелирање. Плочите мораат да бидат рамни од горната и долната страна.
(3) Двоногарка (бипод) е направа со не повеќе од две ногарки кои го допираат тлото. Taa мора да биде цврсто монтиранa на предниот дел од пушката. Двоногарката може да има ногарки кои се на прекршување или ногарки кои не се на прекршување и може да има можност за подесување со цел да се компензира нерамната подлога на положбата за гаѓање.
(4) Ниту еден дел од кундакот (задниот дел) или поткундакот не смеат да бидат директно допрени на тлото или на било која тврда површина. Како задни наслони можат да се користат „зајачки уши“, мали вреќички со песок или раката во ракавица. При користење на било кој тип на заден наслон, истиот не смее да биде прицврстен, закачен или придржан за пушката на било кој начин. Механички подесиви задни наслони не се дозволени.
(5) Било колку и било какви предмети може да се постават под двоногарките и под задниот наслон за да ги компензираат варијациите на положбата за гаѓање по висина или косина.
(6) Двоногарките и задниот наслон можат да бидат подесувани после секое истрелување за да се компензира движењето на подлогата односно нејзината девијација. Ремникот може да се користи со наслонот меѓутоа неговата маса мора да биде вклучена во вкупната маса на пушката.
Дозволен е заден мек наслон. Не е дозволена употреба на гасна кочница.
Важи правилото – „еден стрелец една пушка“ т.е. во оваа дисциплина со една иста пушка не смеат да се натпреваруваат два или повеќе стрелци.
Вреднувањето на резултатите на натпреварувачите во оваа дисциплина е во поединечен и/или екипен настап, а машките и женските натпреварувачи настапуваат во единствена конкуренција (нема вреднување на резултати посебно во машка и и посебно во женска конкуренција).
Екипите се составени од 3 или 4 натпреварувачи. Доколку екипата е составена од 4 натпреварувачи, за екипен настап се вреднуваат само највисоките резултатите на 3-те натпреварувачи од екупата. Натпреварувачите кои во оваа дисциплина се пријавуваат за екипен настап задолжително покрај пријавата за екипен настап, должни се да достават и пријава за поединечен настап.

- OPEN RIFLE ………………………………….. 300 метри …………………………. 20 истрели.

Растојанието до метатата е 300 метри. Метата е кружна со димензии ø 43,4 cm (кругот 10 е со ø 42 мм). Дозволено време за подготовка и проба е 10 минути во кое не е ограничен бројот на пробните истрели. Мечот се состои од 20 истрели за оценување за време од 20 минути. Се гаѓа во 2 мети (2х10 истрели).

Пушката е ограничена на калибар не поголем од .35 инчи (8,89 мм.)

Пушка на шини и метода на прецизно механичко враќање на иста точка на нишанење за наредниот истрел, не се дозволени. Било кој безбеден рачен систем за чкрапање е дозволен. Дозволени се сите нишански системи, но мора да бидат вклучени во вкупната маса на пушката.

Вкупната маса на пушката вклучувајќи ги сите додатоци како нишан и ногарки не смее да надмине 10 кг. Како додаток се подразбира било каков предмет освен натпреварувачот со облеката, кој делумно или целосно се придвижува заедно со оружјето или кој е прицврстен односно здружен со пушката на било каков начин и се придвижува при секој истрел дури и ако незначително оружјето се поместува од потпорниот наслон.

Ширината на предниот подкундак не смее да прејде 76 мм.

Гаѓањето е во лежечка позиција од рамото на натпреварувачот користејќи наслони за пушка. Пушката може да биде придржана на било каков начин кој не овозможува механички метод на враќање на иста нишанска точка, при што:

(1) Не смеат да се користат повеќе од два наслона. При користење на два наслона, истите не смеат да бидат поврзани еден со друг.

(2) Употребата на било каква маса (табла) е забрането. Одвоени рамни плочи чии димензии не ги поминуваат димензиите на индивидуалните наслони за повеќе од 5 cм, се дозволени да се постават под предниот/задниот наслон. Шрафовите за нивелирање или испакнатини не се дозволени на овие плочи. Плочите мораат да бидат рамни од горната и долната страна.

(3) Предниот наслон може да се користи или за потпирање на крајот на пушката или за потпирање на предната рака. Доколку предниот наслон е прицврстен за пушката тогаш истиот влегува во вкупната маса на пушката.

(4) Ниту еден дел од кундакот на пушка или пиштолскиот ракохват не смеат да бидат поставени директно на земја или на било тврда површина. Покрај тоа задниот наслон не смее да биде прикачен или стегнат за пушката на било кој начин. Механички прилагодливи задни наслони не се дозволени.

(5) Како алтернатива на точките 3 и 4 пушката може да биде потпрена на едноставна централна поддршка како свиткана јакна, крпа, кебе или вреќички полнети со песок или со друга материја.

(6) Било колку и било какви предмети може да се постават под секој наслон за да ги компензираат варијациите во висина или косина на положбата за гаѓање или да го редуцираат нејзиното вртење.

(7) Предниот наслон или база може да има до три зашилени ногарки кои можат да се втиснат во земја до 50 мм, под услов ова да не предизвика оштетување на позицијата за гаѓање.

(8) Наслоните можат да се подесуваат после секое истрелување за да се компензира движењето или набивањето. Ремникот може да се користи поврзан со наслоните и при тоа неговата тежина влегува во вкупната тежина на пушката.

Важи правилото – „еден стрелец една пушка“ т.е. во оваа дисциплина со една иста пушка не смеат да се натпреваруваат два или повеќе стрелци.

Не е дозволена е употреба на гасна кочница.

Вреднувањето на резултатите на натпреварувачите во оваа дисциплина е во поединечен и/или екипен настап, а машките и женските натпреварувачи настапуваат во единствена конкуренција (нема вреднување на резултати посебно во машка и и посебно во женска конкуренција).

Екипите се составени од 3 или 4 натпреварувачи. Доколку екипата е составена од 4 натпреварувачи, за екипен настап се вреднуваат само највисоките резултатите на 3-те натпреварувачи од екипата. Натпреварувачите кои во оваа дисциплина се пријавуваат за екипен настап задолжително покрај пријавата за екипен настап, должни се да достават и пријава за поединечен настап.

VI. СТРЕЛИШТЕ:

20-от Интернационален отворен тирнир во стрелаштво Grand Prix SKOPJE 2026 ќе се одржи на     16 и 17 Мај 2026 година на Спортското Стрелиште КАМНИК во Скопје.
За сите подетални информации можете да се обратите до Македонската Спортска Стрелачка Федерација (МССФ), по Е-mail: mkdshooting@gmail.com или тел. 077/600-262

VII. СМЕСТУВАЊЕ:

Натпреварувачите од други земји кои ќе земат учество на турнирот можат навремено но не подоцна од 11 мај 2026 да се обратат до МССФ за неопходните информации во врска со хотелското сместување во Скопје.

VIII. ПОДАТОЦИ ЗА ОРУЖЈЕТО И МУНИЦИЈАТА ЗА ПРЕМИН НА ГРАНИЦА

Натпреварувачите од други земји треба најкасно до 11 Мај 2026 г. да достават до МССФ преку е-маил: mkdshooting@gmail.com податоци неопходни за премин на државната граница: име и презиме, број на пасош и регистарски број на возилото со кое доаѓаат, граничен премин на кој влегуваат во Р.С. Македонија, датум на преоѓање на границата како и марка и модел на оружјето, калибар, фабрички број, количина и калибар на куршумите кои ги носат се себе.

На странските натпреварувачи доколку е потребно МССФ ќе им испрати лична поименична покана за учество, а истите со себе за премин на државната граница треба да ја понесат официјалната покана од МССФ.

INVITATION for Delegations 2026

IX. СИГУРНОСТ

За сигурност на стрелците, службените лица и посетителите мора да се почитуваат наведените правила и да постои самодисциплина.

-       Должност на службените лица е да воведат дисциплина, а стрелците и посетителитe истата да ја почитуваат.

-       Во интерес на сигурностa службените лица можат и имаат право да го сопрат гаѓањето во секое време.

-       Обврска на стрелците е да ја пријават на службените лица секоја ситуација која може да биде опасна и која може да предизвика било каква штета.

-       Службените лица во секое време имаат право да го допираат оружјето-опремата без дозвола на стрелците но во нивно присуство, доколку сметаат дека постои потенцијална опасност од опасна ситуација или причинување на штета.

-       Во интерес на сигурноста со сите оружја мора да се ракува со максимална внимателност.

-     Оружјето не смее да се пренесува или изнесува надвор од линијата за стрелање без команда од линиски судија и без сигурносно знаменце кое е видливо дека излегува од двете страни на цевката од пушката или пиштолот со отворен затворач. За непочитување на ова правило ќе следува дисквалификација на натпреварувачот од страна на судијата без опоменување!

-       Оружјето кога нема да се наоѓа на линијата на гаѓање мора да биде во кутија, футрола, ранец или торба.

-       За време траење на натпреварот оружјето секогаш треба да биде насочено во сигурен правец.

-       Оружјето смее да се полни и репетира само на линијата за гаѓање и тоа исклучиво по команда на линиски судија.

-       Со оружјето може да се пука само на линијата на гаѓање само по команда на линиски судија.

-       Ако стрелецот испука метак пред издадена команда од линиски судија истиот ќе биде дисквалификуван.

-       Пред стрелецот да ја напушти линијата за гаѓање мора да се осигура дека оружјето е празно, затварачот е отворен и шаржерот изваден. Обврска на службените лица е истото да го проверат.

-       Пробни истрели и вежби за нишанење се дозволени само на линијата за гаѓање исклучиво со команда на линиски судија. Истото правило важи и доколку било кое службено лице се наоѓа на или пред линијата за гаѓање.

-       Се препорачува на сите стрелци и посетители да носат заштита за уши (антифони или чепови)

-       Се препорачува на сите стрелци и посетители да носат заштита за очи (стрелачки очила отпорни на распрскувачки објекти)

-       Македонската Спортска Стрелачка Федерација нема да сноси никакви одговорности за постапките на лицата кои нема да ги почитуваат погоре наведените правила за безбедно ракување со оружје. Доколку лицата не постапуваат по погоре наведените правила за безбедно ракување со оружје или предизвикаат штета по нивна вина последиците ќе ги сноси лицето кое ракува со оружјето.

Доколку не се почитуваат горенаведените правила за сигурност за време на 20-от Интернационален отворен турнир во стрелаштво Grand Prix SKOPJE 2026, службените лица имаат право да го дисквалификуваат натпреварувачот и истиот да биде отстранет од спортското стрелиште КАМНИК.

Oд страна на организаторот за натпреварувачите ќе бидат обезбедени стартни пакети, медали, дипломи, награди како и освежителни пијалоци.

Со Почит;

Македонска Спортска Стрелачка Федерација

Претседател Јордан Тасевски

WINTER PISTOL CUP 2025

ВО СОРАБОТКА СО ЦИВИЛНО СТРЕЛИШТЕ ЗИП

НА ДЕН 21.12.2025 ВО  ПРОСТОРИИТЕ НА ЦИВИЛНОТО СТРЕЛИШТЕ ЗА ОГНЕНО ОРУЖЈЕ ЗИП

СО ПОЧЕТОК ВО 10:00 ЧАСОТ

Драги Пријатели,

Со задоволство и по барање на голем број иматели на оружје кои сакаат да го користат за спортско стрелаштво Ве покануваме да учествувате на првиот турнир ,,WINTER PISTOL CUP 2025″ во организација на Стрелачки клуб Стрелец – Скопје и Цивилното затворено стрелиште за огнено оружје ЗИП од Скопје. Натпреварот ќе се одржи на ден 21.12.2025 (недела) со поддршка на Македонската Спортска Стрелачка Федерација и главниот спонзор МИКЕИ ИНТЕРНАЦИОНАЛ.

Натпреварот ќе се одржи во следните дисциплини:

Пиштол…………………………………………………15 м…………….10 истрели (мажи и жени)

ПРАВИЛА:

• Растојанието на метата е 15 метри и истата е сразмерно намалена за да биде со идентични димензии како мета која би се користела на 25 метри. Метата е кружна со димензии ø 30 см. Центарот е со дијаметар од 30 мм и внатрешен круг од 15 мм.

• Вреднувањето на поединечните резултати на сите натпреварувачи во оваа дисциплина ќе биде во две посебни категории и тоа во машка и посебно во женска конкуренција. Метите се достапни за тренинг во стреланата.

• Дозволено време за подготовка и проба е 5 минути при што не е ограничен бројот на пробните истрели. Времето за натпревар е 10 минути во кое за оценување се истрелуваат 10 истрели.
• Натпреварувачите кои немаат сопствено оружје и муниција можат да користат оружје од стреланата по нивна желба во калибар 9х19 мм по цена од 1000 денари каде се вклучени 15 куршуми.

(да наведат при прјавување кое оружје ќе го користат)

• Револвери не се дозволени. (Вон конкуренција)

• Пријавување и котизација од 500 денари за натпреварот е задолжително и се прави до 18.12.2025 на e-mail: tome_357@hotmail.com врз што ќе се формира список за редослед на натпреварувачите по кој ќе учествуваат на турнирот, со цел да се воспостави ред и намали периодот на чекање. Сите членови кои ќе се пријават подоцна ќе бидат вклучени откако ќе завршат прво пријавените натпреварувачи. Уплата на котизација се врши на следната сметка:

Жиро сметка: 300000003253222
Назив на примачот: Римако Арт ДООЕЛ Скопје
Депонент: Комерцијална Банка А.Д Скопје
Цел на уплата: Пример за уплата (Котизација за дисциплина Пиштол 25м)
* Доказ за платена котизација се приложува пред почеток на натпреварот.

         Пријава за натпреварот на ден 21/12/2025 година:

PRIJAVA-POEDINECNO-za 21.12.2025-WINTER PISTOL CUP 2025

•  Предмети за заштита на слух и вид за натпреварите на турнирот ги обезбедуваат самите натпреварувачи, но истите се достапни и во стреланата. Додека предмети за набљудување на метите како: дурбин, двоглед и сл. натпреварувачите сами си обезбедуваат.

• За победниците (прво, второ и трето место следуваат вредносни ваучери од генералниот спонзорот МИКЕИ ИНТЕРНАЦИОНАЛ како и медали и дипломи)

•  За учесниците следуваат сертификати за учество на натпревар во спортско стрелаштво со кусо огнено оружје.

•  Задолжително носење на личен документ (лична карта или пасош) на денот на турнирот.

СИГУРНОСТ

За сигурност на стрелците, службените лица и посетителите мора да се почитуваат наведените правила и да постои самодисциплина. Секој натпреварувач потпишува изјава за одговорност во делот на материјално и кривично.

–       Должност на службените лица е да воведат дисциплина, а стрелците и посетителитe истата да ја почитуваат.

–       Во интерес на сигурностa службените лица можат и имаат право да го сопрат гаѓањето во секое време.

–       Обврска на стрелците е да ја пријават на службените лица секоја ситуација која може да биде опасна и која може да предизвика било каква штета.

–       Службените лица во секое време имаат право да го допираат оружјето-опремата без дозвола на стрелците но во нивно присуство, доколку сметаат дека постои потенцијална опасност од опасна ситуација или причинување на штета.

–       Во интерес на сигурноста со сите оружја мора да се ракува со максимална внимателност.

–     Оружјето не смее да се пренесува или изнесува надвор од линијата за стрелање без команда од линиски судија и без сигурносно знаменце кое е видливо дека излегува од двете страни на цевката од пушката или пиштолот со отворен затворач. За непочитување на ова правило ќе следува дисквалификација на натпреварувачот од страна на судијата без опоменување!

–       Оружјето кога нема да се наоѓа на линијата на гаѓање мора да биде во кутија, футрола, ранец или торба.

–       За време траење на натпреварот оружјето секогаш треба да биде насочено во сигурен правец.

–       Оружјето смее да се полни и репетира само на линијата за гаѓање и тоа исклучиво по команда на линиски судија.

–       Со оружјето може да се пука само на линијата на гаѓање само по команда на линиски судија.

–       Ако стрелецот испука метак пред издадена команда од линиски судија истиот ќе биде дисквалификуван.

–       Пред стрелецот да ја напушти линијата за гаѓање мора да се осигура дека оружјето е празно, затварачот е отворен и шаржерот изваден. Обврска на службените лица е истото да го проверат.

–       Пробни истрели и вежби за нишанење се дозволени само на линијата за гаѓање исклучиво со команда на линиски судија. Истото правило важи и доколку било кое службено лице се наоѓа на или пред линијата за гаѓање.

СТРЕЛИШТЕ

Турнирот ,,WINTER PISTOL CUP 2025″ ќе се одржи на Цивилното затворено стрелиште за огнено оружје ЗИП од Скопје кое е лоцирано во Автокоманда во близина на Ресторан Дојрана. Истото може да се најде и на локација на GOOGLE MAPS, со внесување на Цивилно стрелиште ЗИП Скопје:

https://www.google.com/maps/place/ZIP+-+Sports+civilian+shooting+range/@41.9970835,21.457695,594m/data=!3m2!1e3!4b1!4m6!3m5!1s0x135415cec08dac9b:0x5a47aa02b56496e4!8m2!3d41.9970835!4d21.4602699!16s%2Fg%2F11lbds5fhk?entry=ttu&g_ep=EgoyMDI1MTIwMi4wIKXMDSoASAFQAw%3D%3D

За повеќе информации обратете се на тел: 078/255-458 и 071/333-392.

Со Почит,

Стрелалчи клуб Стрелец – Скопје

Покрај изборот на Претседател на ЕСЦ ова собрание е посебно значајно за Македонското стрелаштво поради тоа што од страна на Претседателот на ЕСЦ на Претседателот на МССФ му се додели златен орден за заслуги во делот за унапредување, развој и промоција на стрелаштвото во Македонија и Европа преку професионалната организација на Европскиот Младински Олимписки Фестивал во Скопје 2025. Ова е за прв пат некој од Македонското стрелаштво да добие едно вакво големо официјално меѓународно признани што е огромна чест и задоволство не само за Јордан Тасевски туку и за целиот тим од неколку луге кои неуморно секојдневно работат заедно со Претседателот и придонесуваат за развој и унапредување на Македонското стрелаштво.

Јордан Тасевски е прв Македонец од спортско стрелаштво што има толку висока позиција во меѓународните структури на спортското стрелаштво што претставува потврда дека Македонското стрелаштво оди по вистинскиот пат што е уште поголема мотивација да се работи и понатаму во правец за развој на спортското стрелаштво. Професионализамот и чесноста во Македонското стрелаштво никој неможе да ја одземе, а делата и резултатите ги вреднуваат најкомпетентните меѓународни организации од областа на стрелаштвото како и официјални лица со голема репутација во светското стрелаштво. Јордан Тасевски е со речиси 35 годишна кариера во спортското стрелаштво и во континуитет е посветен на спортското стрелаштво почнувајќи на 7 годишна возраст како стрелец па тренер, селектор и актуелен Претседател на МССФ и сеуште активен стрелец и тренер со две учества на Олимписки игри и остварени високи резултати.

Македонската Спортска Стрелачка Федерација и Претседателот Јордан Тасевски на ова годишно европско собрание упатија благодарност за доделеното признание од страна на Европската Стрелачка Конфедерација и огромна благодарност до повеќе од пола европски земји, а особено до нашите соседни земји кои го дадоа својот глас за Јордан Тасевски со што ја дадоа својата доверба и можност да биде член на Претседателството во Европската Стрелачка Конфедерација во наредниот 4 годишен мандат. Ова е големо задоволство и одговорност сега заедно со европскиот тим да работиме за развој и унапредување на европското спортско стрелаштво со што ќе ја оправдаме дадената доверба изјави Претседателот на МССФ Јордан Тасевски.

За време на дводневното Генерално собрание, на делегатите на европските федерации им беше презентирана и програма за управување поврзана со модел кој ги комбинира развојот на спортот, финансиската одржливост и транспарентното управување, како и поголема поддршка за организаторите на меѓународни настани, инвестиции во млади и елитни спортисти и техничка и образовна помош на националните федерации, а на крајот од собранието, учесниците високо ја оценија и безпрекорната организација на ова годишно собрание од страна на Ерменската Стрелачка Федерација која беше на високо ниво на настанот што е показател дека ќе бидат добри домаќини и за време на Европското првенство во стрелаштво во Ереван во 2026 година, кое ќе биде еден од најголемите и најважните спортски настани во регионот.

На присутните се обрати Претседателот на МССФ Јордан Тасевски, Командантот на Првата пешадиска бригада Бригаден генерал Дејан Чиплаковски и Градоначалникот на Гази Баба Г-дин Бобан Стефковски кој имаше чест свечено да го отвори 19-от Гранд При Скопје 2025. Со меѓународниот турнир Гранд При Скопје 19 години во континуитет препознатливо е спортското стрелаштво не само во Македонија туку и пошироко во регионот и спецификата на стрелиштето Камник, а тоа е стрелање во исто време од три стејџови и тоа на 25 метри, 100 метри и 200 или 300 метри каде што за сето тоа да се организира безбедно и професионално одговорен е тимот на МССФ кој го сочинуваат професионалци судии, поранешни и сегашни активни стрелци со изградена меѓусебна долгогодишна доверба, дисциплина и добра координација.

ОФИЦИЈАЛНИОТ БИЛТЕН СО РЕЗУЛТАТИ ОД 19-от Интернационален отворен турнир во стрелаштво Grand Prix SKOPJE 2025 можете да го погледнете и симнете овде:

Билтен со резултати од 19-от Гранд При Скопје 2025

Во прилог фотографии од 19-от Grand Prix SKOPJE 2025

ГЕНЕРАЛНИ ИНФОРМАЦИИ И ПРАВИЛА за Grand Prix SKOPJE 2025

I. ПОКАНА

II. ПРОГРАМА:

Сабота, 24/05/2025 година
09:00 …. Почеток на натпреварите:

- Target Rifle ……………………… 300 метри…………………….. 20 истрели

- Open Rifle …………………………. 300 метри…………………….. 20 истрели

- 22 LR Снајперска малокалибарска пушка .. 100 метри … 20 истрели

- Пиштол ……………………………… 25 метри…………………. 10 истрели
- Револвер …………………………. 25 метри………………….. 10 истрели

15:30 … Доделување на признанија и наrради.

Недела, 25/05/2025 година
09:00 ….Свечено отварање на Grand Prix SKOPJE 2025
09:30 …..Почеток на натпреварите:
- Пиштол ………………………………………………….………………….. 25 метри…………… 10 истрели
- Револвер ……………………………………………….…………………. 25 метри………….. 10 истрели
- Пушкa …………………………………………………….…………………. 100 метри ……….. 10 истрели

- 22 LR малокалибарска пушка ………………………….. 100 метри ………… 20 истрели
- Снајперска тактичка полуавтоматска пушка …. 200 метри ………… 10 истрели
- Снајперска ловна пушка…………………………..…………… 200 метри ……….. 10 истрели

16:00 …..Доделување на признанија и награди

III. ПРИЈАВУВАЊЕ:

Пријави за поединечно или екипно натпреварување за натпреварот 19-ти Интернационален отворен турнир во стрелаштво Grand Prix SKOPJE 2025 натпреварувачите можат да достават до Македонската Спортска Стрелачка Федерација (МССФ) најдоцна до 23 (петок) мај 2025 година најдоцна до 14:00 часот на е-маил: mkdshooting@gmail.com со штиклирање во пријавите на дисциплината во која ќе настапуваат.

Натпреварувачите кои поднесуваат пријава за екипно натпреварување во соодветната дисциплина мора задолжително да поднесат и пријави за поединечно натпреварување во истата дисциплина за секој натпреварувач во екипата.

Заинтерисираните лица пријавите за учество на 19-от Интернационален отворен турнир во стрелаштво Grand Prix SKOPJE 2025, можат да ги симнат од web страната на МССФ.

Поединечна и екипна пријава за Сабота, 24/05/2025 година

PRIJAVA-POEDINECNO-za 24.05.2025-GRAND PRIX SKOPJE 2025

PRIJAVA-EKIPNA-za 24.05.2025-GRAND PRIX SKOPJE 2025

Поединечна и екипна пријава за Недела, 25/05/2025 година

PRIJAVA-POEDINECNO-za 25.05.2025-GRAND PRIX SKOPJE 2025

PRIJAVA-EKIPNA-za 25.05.2025-GRAND PRIX SKOPJE 2025

IV. КОТИЗАЦИЈА:

Котизацијата за поединечно учество на турнирот во сабота на 24.05.2025 година во дисциплината TARGET RIFLE 300 метри за секој натпреварувач изнесува 800 денари.

Котизацијата за поединечно учество на турнирот во сабота на 24.05.2025 година во дициплината OPEN RIFLE 300 метри за секој натпреварувач изнесува 800 денари.

Котизацијата за натпреварувачите кои ќе настапат во сабота на 24.05.2025 година во двете дисциплини: TARGET RIFLE 300 метри и OPEN RIFLE 300 метри ќе изнесува вкупно 1500 денари.

Котизацијата за поединечно учество на турнирот во сабота и недела на 24 и 25.05.2025 година во останатите дисциплини како (дисциплините пиштол 25м, револвер 25м, пушка 100м, 22 LR Снајперска и обична малокалибарска пушка 100м, снајперска ловна пушка 200м и снајперска полуавтоматска тактичка пушка 200м) за секој натпреварувач изнесува 500 денари (при што обезбедува настап во една дисциплина во поединечна и (или) екипна конкуренција, а за настап на натпреварувачот во секоја наредна дисциплина се доплаќа 300 денари по дисциплина.

НАПОМЕНА: УПЛАТА НА КОТИЗАЦИЈА НА ЛИЦЕ МЕСТО И НА ДЕНОТ НА НАТПРЕВАРОТ ЗА ЕДНА ДИСЦИПЛИНА ИЗНЕСУВА 600 денари ДОДЕКА ЗА СЕКОЈА НАРЕДНА 400 денари.

* Котизација се уплаќа најдоцна до 23 Мај 2025 г. (петок) на следната сметка:

Жиро сметка: 300000001002434

Назив на примачот: Македонската Спортска Стрелачка Федерација

Депонент: Комерцијална Банка А.Д Скопје,

Цел на уплата: Пример за уплата (Котизација за дисциплина Пиштол 25м)

* Доказ за платена котизација се приложува пред почеток на натпреварот.

Оружјето, муницијата како и предмети за заштита на слух и вид за натпреварите на турнирот ги обезбедуваат самите натпреварувачи. Исто така натпреварувачите сами си обезбедуваат предмети за набљудување на метите како: дурбин двоглет и сл.

V. ПРАВИЛА за натправарувачките дисциплини:

- Пиштол ……………….. 25 метри ………………. 10 истрели.

Растојанието до метата е 25 метри. Метата е кружна со димензии ø 50 см. Ставот за гаѓање е стоечки. Пиштолот е со централно палење. Нишанскиот систем е механички. Не е дозволена употреба на електронски нишански систем (Red Dot, Aimpoint, Holosight, ласерски нишани и сл.)

Во оваа дисциплина се употребуваат стандардни пиштоли наменети за службена или цивилна употреба како и натпреварувачки пиштоли кои конструктивно се наменети за разни видови на натпревари во стрелаштво.

Некои од примерите за пиштоли кои можат да се употребуваат во оваа дисциплина се:

Некои од производителите за пиштоли кои можат да се употребуваат во оваа дисциплина се: Crvena Zastava, Ceska Zbrojovka, Glock, Heckler and Koch, Beretta, Sig Sauеr, Walther, Browning, Tanfoglio, Bernardeli, Benelli како и други модели на пиштоли на сите други производители за кои судиите по стрелаштво на натпреварот ќе одредат дека можат да се употребуваат во оваа дисциплина.

Револвери не се дозволени.

Дозволено време за подготовка и проба е 5 минути при што не е ограничен бројот на пробните истрели. Времето за натпревар е 10 минути во кое за оценување се истрелуваат 10 истрели.

Вреднувањето на постигнатите резултати е одделно во машка и женска конкуренција, во поединечен или екипен настап. Екипите се составени од 3 натпреварувачи. Натпреварувачите кои се пријавуваат за екипен настап задолжително покрај пријавата за екипен настап, должни се да достават и пријава за поединечен настап.

- Револвер …………………. 25 метри ………….. 10 истрели.

Растојанието до метата е 25 метри. Метата е кружна со димензии ø 50 см. Ставот за гаѓање е стоечки. Револверот е со централно палење. Нишанскиот систем е механички. Не е дозволена употреба на електронски нишански систем (Red Dot, Aimpoint, Holosight, ласерски нишани и сл.). Пиштоли не се дозволени. Дозволено време за подготовка и проба е 5 минути при што не е ограничен бројот на пробните истрели. Времето за натпревар е 10 минути во кое за оценување се истрелуваат 10 истрели. Вреднувањето на резултатите на сите натпреварувачите во оваа дисциплина е во поединечни настапи и во единствена конкуренција (нема посебна машка и женска конкуренција и нема екипи). Натпреварувачите доставуваат само пријава за поединечен настап.

- Пушка ………………… 100 метри ……………… 10 истрели.

Растојанието до метата е 100 метри. Метата е кружна со димензии ø 50 см. Ставот за гаѓање е лежечки. Се гаѓа од рамо и не е дозволено потпирање на предниот дел од пушката на мека подлога. Не е дозволена употреба на ногарки. Пушката е со централно палење. Пушката може да биде со систем за мануелно репетирање (примери: М-48, М-24, М-98 и сл.); со полуавтоматски систем на репетирање (примери: ПАП М-59/66 и сл.) или со автоматски систем за репетирање (примери: АК 47, АК 74, Застава М-70; Colt М-4, Heckler&Koch 223/308, Heckler&Koch G-36, Sig Sauer 550 и сл.). Пушките со автоматски систем за репетирање дозволено е да се употребуваат на натпреварот, само доколку со истите се гаѓа со полуавтомaтски режим на работа. Употреба на рафална стрелба не е дозволена. Нишанскиот систем е механички. Не е дозволена употреба на електронски нишански систем (Red Dot, Aimpoint, Holosight, ласерски нишани и сл.). Дозволено време за подготовка и проба е 5 минути при што не е ограничен бројот на пробните истрели. Времето за натпревар е 10 минути во кое за оценување се истрелуваат 10 истрели. Вреднувањето на резултатите на сите натпреварувачи во оваа дисциплина е во поединечен и/или екипен настап додека вреднувањето на постигнатите резултати во оваа дисциплина овој пат ќе биде одделно во машка и женска конкуренција единствено во поединечен настап.
Екипите се составени од 3 натпреварувачи. Натпреварувачите кои во оваа дисциплина се пријавуваат за екипен настап задолжително покрај пријавата за екипен настап, должни се да достават и пријава за поединечен настап.

-  22 LR Снајперска малокалибарска пушка ………. 100 метри ………… 20 истрели

Растојанието до метата е 100 метри. Ставот за гаѓање е лежечки. Се гаѓа од рамо дозволено e потпирање на задниот дел од пушката (кундакот) на мека подлога. Дозволена употреба на ногарки или предна мека подлога. Пушката е со рабно палење калибар 22 ЛР. Пушката може да биде со систем за мануелно репетирање; со полуавтоматски систем на репетирање (со ограничување на капацитет од 5 куршуми). Нишанскиот систем е оптички. Се пука во една мета која што содржи дванаесет (12) помали мети (со пречник 13 cm и центар од 9 мм.) од кои што првата и втората мета се пробни, а другите десет (10) мети се за меч. Во секоја мета за меч се пука по 2 истрели – Вкупно 20 истрели. Дозволено време за проба е 5 минути при што не е ограничен бројот на пробните истрели. Времето за натпревар е 20 минути во кое за оценување се истрелуваат 20 истрели. Вреднувањето на резултатите на сите натпреварувачи во оваа дисциплина е во поединечен настап. Дозволено е во оваа дисциплина со една иста пушка да се натпреваруваат два или повеќе стрелци.

-  22 LR малокалибарска пушка ………. 100 метри ………… 20 истрели

Растојанието до метата е 100 метри. Метата е кружна со димензии ø 50 см. Ставот за гаѓање е лежечки. Се гаѓа од рамо и не е дозволено потпирање на предниот дел од пушката на мека подлога. Не е дозволена употреба на ногарки. Пушката може да биде со систем за мануелно репетирање; со полуавтоматски систем на репетирање или со автоматски систем за репетирање. Пушките со автоматски систем за репетирање дозволено е да се употребуваат на натпреварот, само доколку со истите се гаѓа со полуавтомaтски режим на работа. Употреба на рафална стрелба не е дозволена. Нишанскиот систем е механички како и кај војничката пушка или секој стандарден карабин и забранети се диоптерски нишани. Не е дозволена употреба на електронски нишански систем (Red Dot, Aimpoint, Holosight, ласерски нишани и сл.). Дозволено време за подготовка и проба е 5 минути при што не е ограничен бројот на пробните истрели. Времето за натпревар е 20 минути во кое за оценување се истрелуваат 20 истрели во две поединечни мети по 10 истрели. Вреднувањето на резултатите на сите натпреварувачи во оваа дисциплина е во поединечен настап додека вреднувањето на постигнатите резултати во оваа дисциплина ќе биде одделно во машка и женска конкуренција единствено во поединечен настап.
Екипите се составени од 3 натпреварувачи.

- Снајперска ловна пушка ……………… 200 метри ……………. 10 истрели.

Растојанието до метата е 200 метри. Метата е кружна со димензии ø 43,4 cm (кругот 10 е со ø 42 мм). Ставот за гаѓање е лежечки. Се гаѓа од рамо и е дозволено потпирање на предниот дел од пушката на мека подлога. Дoзволено е потпирање на кундакот на пушката на мека подлога. Не е дозволена употреба на ногарки. Дозволена е употреба на сите нишански системи: оптички нишан, Red Dot, Aim Рoint, Holosigt I sl.). Ласерски нишан не е дозволен. Снајперската ловен карабин е со централно палење и истиот може да биде со мануелен или полуавтоматски систем на репетирање. Дозволено е употреба на стандарден променлив магацин за муниција со капацитет до 5 куршуми додека кај фиксен магацин нема ограничување на капацитет.

Дозволени се сите калибри. Не е дозволено користење на компензатор (гасна кочница), пиштолски ракохват и преклопен кундак. Вкупната маса на снајперскиот ловен карабин, вклучувајки ги сите прицврстени додатоци како што се нишанот и ремникот не смее да надминува 4,7 кг. Дебелината на цевката на пушката не смее да надминува 19 милиметри, мерено до 50 милиметри од почетокот на устата на цевката.

Дозволено време за подготовка и проба е 5 минути при што не е ограничен бројот на пробните истрели. Времето за натпревар е 10 минути во кое за оценување се истрелуваат 10 истрели.
Вреднувањето на резултатите на сите натпреварувачи во оваа дисциплина е во поединечен и/или екипен настап, во единствена конкуренција (нема вреднување на резултати посебно во машка и и посебно во женска конкуренција).

Екипите се составени од 3 натпреварувачи. Натпреварувачите кои во оваа дисциплина се пријавуваат за екипен настап задолжително покрај пријавата за екипен настап, должни се да достават и пријава за поединечен настап.

- Снајперска полуавтоматска тактичка пушка ……… 200 метри ………… 10 истрели.

Растојанието до метата е 200 метри. Растојанието до метата е 200 метри. Метата е кружна со димензии ø 43,4 cm (кругот 10 е со ø 42 мм). Ставот за гаѓање е лежечки. Се гаѓа од рамо и е дозволено потпирање на предниот дел од пушката на мека подлога како и користење на ногарки. Дозволена е употреба на пиштолски ракохват и преклопен кундак. Дозволена е употреба на сите видови на оптички нишан. Снајперската полуавтоматска тактичка пушка е со централно палење и со полуавтоматски систем за репетирање. Дозволенo e користење на компензатор (гасна кочница). Снајперската полуавтоматска тактичка пушка мора да има променлив магацин со капацитет поголем од 5 куршуми. Дозволена е употреба на сите калибри до .35 инчи (8,89 мм.).

Дозволено време за подготовка и проба е 5 минути при што не е ограничен бројот на пробните истрели. Времето за натпревар е 10 минути во кое за оценување се истрелуваат 10 истрели.
Примери на типови на полуавтоматски снајперски пушки кои можат да се користат во оваа дисциплина: Zastava М-76, Zastava М-91; Dragunov SWD, Hoeckler&Koch HK G3 SG 1; Hoeckler&Koch HK PSG 1, Hoeckler&Koch MR 223/308 и сл.

Вреднувањето на резултатите на натпреварувачите во оваа дисциплина е во поединечен и/или екипен настап, во единствена конкуренција (нема вреднување на резултати посебно во машка и и посебно во женска конкуренција).

Екипите се составени од 3 натпреварувачи. Натпреварувачите кои во оваа дисциплина се пријавуваат за екипен настап задолжително покрај пријавата за екипен настап, должни се да достават и пријава за поединечен настап.

- TARGET RIFLE ……………………………. 300 метри ………………………… 20 истрели.

Растојанието до метата е 300 метри. Метата е кружна со димензии ø 43,4 cm (кругот 10 е со ø 42 мм). Дозволено време за подготовка и проба е 10 минути во кое не е ограничен бројот на пробните истрели. Мечот се состои од 20 истрели за оценување за време од 20 минути. Се гаѓа во 2 мети (2х10 истрели).

Пушката е ограничена на следните немодифицирани калибри: .223 Remington ( 5,56×45мм NATO); .308 Winchester ( 7,62×51 mm NATO), 8×57 IS (7,9 mm Mauser) и 7,62 x54 R.
Со пушката се гаѓа од двоногарки (бипод) кој се цврсто прикачени за оружјето и/или со ремник. Било кој бипод кој ја исполнува дефиницијата за бипод може да се користи и неговата тежина влегува во вкупната маса на пушката. Било кој безбеден рачен систем за чкрапање е дозволен. Дозволени се сите нишански системи, но нивната маса мора да бидат вклучена во вкупната маса на пушката.

Вкупната маса на пушката, вклучувајќи ги сите прицврстени додатоци како што се нишанот, ремникот и ногарките (биподот) не смее да ја надмине масата од 8,25 кг. Како додаток се подразбира било каков предмет освен натпреварувачот со облеката, кој делумно или целосно се придвижува заедно со оружјето или кој е прицврстен односно здружен со пушката на било каков начин и се придвижува при секој истрел дури и ако незначително оружјето се поместува од потпорниот наслон.

Гаѓањето е во лежечка положба од рамото на натпреварувачот. Двоногарката или ремникот се единствена дозволена предна поддршка на пушката. Пушката може да биде придржана со бипод и/или ремник и заден наслон кој не овозможува механички метод на враќање на иста нишанска точка, при што:

(1) Двоногарката и/или ремникот и задниот наслон не смеат да бидат поврзани едно со друго.
(2) Употребата на било каква маса е забрането. Под предниот/задниот наслон дозволени е да се постават одвоени рамни плочи чии димензии не ги поминуваат димензиите на индивидуалните наслони за повеќе од 5 cм. Во случај на користење на двоногарки, ширината на плочата кај ногарките не смее да надминува 5 см ниту повеќе од 30 см од напред до назад. На овие плочи не се дозволени испакнини и не е дозволена употреба на шрафови за нивелирање. Плочите мораат да бидат рамни од горната и долната страна.
(3) Двоногарка (бипод) е направа со не повеќе од две ногарки кои го допираат тлото. Taa мора да биде цврсто монтиранa на предниот дел од пушката. Двоногарката може да има ногарки кои се на прекршување или ногарки кои не се на прекршување и може да има можност за подесување со цел да се компензира нерамната подлога на положбата за гаѓање.
(4) Ниту еден дел од кундакот (задниот дел) или поткундакот не смеат да бидат директно допрени на тлото или на било која тврда површина. Како задни наслони можат да се користат „зајачки уши“, мали вреќички со песок или раката во ракавица. При користење на било кој тип на заден наслон, истиот не смее да биде прицврстен, закачен или придржан за пушката на било кој начин. Механички подесиви задни наслони не се дозволени.
(5) Било колку и било какви предмети може да се постават под двоногарките и под задниот наслон за да ги компензираат варијациите на положбата за гаѓање по висина или косина.
(6) Двоногарките и задниот наслон можат да бидат подесувани после секое истрелување за да се компензира движењето на подлогата односно нејзината девијација. Ремникот може да се користи со наслонот меѓутоа неговата маса мора да биде вклучена во вкупната маса на пушката.
Дозволен е заден мек наслон. Не е дозволена употреба на гасна кочница.
Важи правилото – „еден стрелец една пушка“ т.е. во оваа дисциплина со една иста пушка не смеат да се натпреваруваат два или повеќе стрелци.
Вреднувањето на резултатите на натпреварувачите во оваа дисциплина е во поединечен и/или екипен настап, а машките и женските натпреварувачи настапуваат во единствена конкуренција (нема вреднување на резултати посебно во машка и и посебно во женска конкуренција).
Екипите се составени од 3 или 4 натпреварувачи. Доколку екипата е составена од 4 натпреварувачи, за екипен настап се вреднуваат само највисоките резултатите на 3-те натпреварувачи од екупата. Натпреварувачите кои во оваа дисциплина се пријавуваат за екипен настап задолжително покрај пријавата за екипен настап, должни се да достават и пријава за поединечен настап.

- OPEN RIFLE ………………………………….. 300 метри …………………………. 20 истрели.

Растојанието до метатата е 300 метри. Метата е кружна со димензии ø 43,4 cm (кругот 10 е со ø 42 мм). Дозволено време за подготовка и проба е 10 минути во кое не е ограничен бројот на пробните истрели. Мечот се состои од 20 истрели за оценување за време од 20 минути. Се гаѓа во 2 мети (2х10 истрели).

Пушката е ограничена на калибар не поголем од .35 инчи (8,89 мм.)

Пушка на шини и метода на прецизно механичко враќање на иста точка на нишанење за наредниот истрел, не се дозволени. Било кој безбеден рачен систем за чкрапање е дозволен. Дозволени се сите нишански системи, но мора да бидат вклучени во вкупната маса на пушката.

Вкупната маса на пушката вклучувајќи ги сите додатоци како нишан и ногарки не смее да надмине 10 кг. Како додаток се подразбира било каков предмет освен натпреварувачот со облеката, кој делумно или целосно се придвижува заедно со оружјето или кој е прицврстен односно здружен со пушката на било каков начин и се придвижува при секој истрел дури и ако незначително оружјето се поместува од потпорниот наслон.

Ширината на предниот подкундак не смее да прејде 76 мм.

Гаѓањето е во лежечка позиција од рамото на натпреварувачот користејќи наслони за пушка. Пушката може да биде придржана на било каков начин кој не овозможува механички метод на враќање на иста нишанска точка, при што:

(1) Не смеат да се користат повеќе од два наслона. При користење на два наслона, истите не смеат да бидат поврзани еден со друг.

(2) Употребата на било каква маса (табла) е забрането. Одвоени рамни плочи чии димензии не ги поминуваат димензиите на индивидуалните наслони за повеќе од 5 cм, се дозволени да се постават под предниот/задниот наслон. Шрафовите за нивелирање или испакнатини не се дозволени на овие плочи. Плочите мораат да бидат рамни од горната и долната страна.

(3) Предниот наслон може да се користи или за потпирање на крајот на пушката или за потпирање на предната рака. Доколку предниот наслон е прицврстен за пушката тогаш истиот влегува во вкупната маса на пушката.

(4) Ниту еден дел од кундакот на пушка или пиштолскиот ракохват не смеат да бидат поставени директно на земја или на било тврда површина. Покрај тоа задниот наслон не смее да биде прикачен или стегнат за пушката на било кој начин. Механички прилагодливи задни наслони не се дозволени.

(5) Како алтернатива на точките 3 и 4 пушката може да биде потпрена на едноставна централна поддршка како свиткана јакна, крпа, кебе или вреќички полнети со песок или со друга материја.

(6) Било колку и било какви предмети може да се постават под секој наслон за да ги компензираат варијациите во висина или косина на положбата за гаѓање или да го редуцираат нејзиното вртење.

(7) Предниот наслон или база може да има до три зашилени ногарки кои можат да се втиснат во земја до 50 мм, под услов ова да не предизвика оштетување на позицијата за гаѓање.

(8) Наслоните можат да се подесуваат после секое истрелување за да се компензира движењето или набивањето. Ремникот може да се користи поврзан со наслоните и при тоа неговата тежина влегува во вкупната тежина на пушката.

Важи правилото – „еден стрелец една пушка“ т.е. во оваа дисциплина со една иста пушка не смеат да се натпреваруваат два или повеќе стрелци.

Не е дозволена е употреба на гасна кочница.

Вреднувањето на резултатите на натпреварувачите во оваа дисциплина е во поединечен и/или екипен настап, а машките и женските натпреварувачи настапуваат во единствена конкуренција (нема вреднување на резултати посебно во машка и и посебно во женска конкуренција).

Екипите се составени од 3 или 4 натпреварувачи. Доколку екипата е составена од 4 натпреварувачи, за екипен настап се вреднуваат само највисоките резултатите на 3-те натпреварувачи од екипата. Натпреварувачите кои во оваа дисциплина се пријавуваат за екипен настап задолжително покрај пријавата за екипен настап, должни се да достават и пријава за поединечен настап.

VI. СТРЕЛИШТЕ:

19-от Интернационален отворен тирнир во стрелаштво Grand Prix SKOPJE 2025 ќе се одржи на     24 и 25 Мај 2025 година на Спортското Стрелиште КАМНИК во Скопје.
За сите подетални информации можете да се обратите до Македонската Спортска Стрелачка Федерација (МССФ), по Е-mail: mkdshooting@gmail.com или тел. 077/600-262

VII. СМЕСТУВАЊЕ:

Натпреварувачите од други земји кои ќе земат учество на турнирот можат навремено но не подоцна од 20 мај 2025 да се обратат до МССФ за неопходните информации во врска со хотелското сместување во Скопје.

VIII. ПОДАТОЦИ ЗА ОРУЖЈЕТО И МУНИЦИЈАТА ЗА ПРЕМИН НА ГРАНИЦА

Натпреварувачите од други земји треба најкасно до 20 Мај 2025 г. да достават до МССФ преку е-маил: mkdshooting@gmail.com податоци неопходни за премин на државната граница: име и презиме, број на пасош и регистарски број на возилото со кое доаѓаат, граничен премин на кој влегуваат во Р.С. Македонија, датум на преоѓање на границата како и марка и модел на оружјето, калибар, фабрички број, количина и калибар на куршумите кои ги носат се себе.

На странските натпреварувачи доколку е потребно МССФ ќе им испрати лична поименична покана за учество, а истите со себе за премин на државната граница треба да ја понесат официјалната покана од МССФ.

IX. СИГУРНОСТ

За сигурност на стрелците, службените лица и посетителите мора да се почитуваат наведените правила и да постои самодисциплина.

-       Должност на службените лица е да воведат дисциплина, а стрелците и посетителитe истата да ја почитуваат.

-       Во интерес на сигурностa службените лица можат и имаат право да го сопрат гаѓањето во секое време.

-       Обврска на стрелците е да ја пријават на службените лица секоја ситуација која може да биде опасна и која може да предизвика било каква штета.

-       Службените лица во секое време имаат право да го допираат оружјето-опремата без дозвола на стрелците но во нивно присуство, доколку сметаат дека постои потенцијална опасност од опасна ситуација или причинување на штета.

-       Во интерес на сигурноста со сите оружја мора да се ракува со максимална внимателност.

-     Оружјето не смее да се пренесува или изнесува надвор од линијата за стрелање без команда од линиски судија и без сигурносно знаменце кое е видливо дека излегува од двете страни на цевката од пушката или пиштолот со отворен затворач. За непочитување на ова правило ќе следува дисквалификација на натпреварувачот од страна на судијата без опоменување!

-       Оружјето кога нема да се наоѓа на линијата на гаѓање мора да биде во кутија, футрола, ранец или торба.

-       За време траење на натпреварот оружјето секогаш треба да биде насочено во сигурен правец.

-       Оружјето смее да се полни и репетира само на линијата за гаѓање и тоа исклучиво по команда на линиски судија.

-       Со оружјето може да се пука само на линијата на гаѓање само по команда на линиски судија.

-       Ако стрелецот испука метак пред издадена команда од линиски судија истиот ќе биде дисквалификуван.

-       Пред стрелецот да ја напушти линијата за гаѓање мора да се осигура дека оружјето е празно, затварачот е отворен и шаржерот изваден. Обврска на службените лица е истото да го проверат.

-       Пробни истрели и вежби за нишанење се дозволени само на линијата за гаѓање исклучиво со команда на линиски судија. Истото правило важи и доколку било кое службено лице се наоѓа на или пред линијата за гаѓање.

-       Се препорачува на сите стрелци и посетители да носат заштита за уши (антифони или чепови)

-       Се препорачува на сите стрелци и посетители да носат заштита за очи (стрелачки очила отпорни на распрскувачки објекти)

-       Македонската Спортска Стрелачка Федерација нема да сноси никакви одговорности за постапките на лицата кои нема да ги почитуваат погоре наведените правила за безбедно ракување со оружје. Доколку лицата не постапуваат по погоре наведените правила за безбедно ракување со оружје или предизвикаат штета по нивна вина последиците ќе ги сноси лицето кое ракува со оружјето.

Доколку не се почитуваат горенаведените правила за сигурност за време на 19-от Интернационален отворен турнир во стрелаштво Grand Prix SKOPJE 2025, службените лица имаат право да го дисквалификуваат натпреварувачот и истиот да биде отстранет од спортското стрелиште КАМНИК.

Oд страна на организаторот за натпреварувачите ќе бидат обезбедени стартни пакети, медали, дипломи, награди како и освежителни пијалоци.

Со Почит;

Македонска Спортска Стрелачка Федерација

Претседател Јордан Тасевски